கல்லாமை அதிகாரத்திலிருந்து முதல் ஐந்து குறள்களை போன பகுதியில் பாரத்தோம். அடுத்து உள்ள ஐந்து குறள்களை இந்த்பகுதியில் பார்க்கலம். இந்த அதிகாரம் கல்லாமையினால் வரும் துன்பங்களைப் பற்றிக் கூறுகிறது. ஒரு நாட்டின் சமூகப் பிரச்சனைகள், பொருளாதாரம், வளர்ச்சி போன்றவை மக்களின் கல்வித் திறமையைப் பொறுத்து இருக்கிறது.
கல்லாமை 2
- ஆறாவது குறள்.
“உளரென்னும் மாத்திரையர் அல்லால் பயவாக்
களரனையர் கல்லா தவர்.”
இதில்
‘உளரென்னும் மாத்திரையர் அல்லால்’
உயிரோடு இருக்கின்றனர் என்று சொல்லும் அளவே அல்லாமல்.
அடுத்து
‘பயவாக் களரனையர் கல்லா தவர்’
இதன் பொருள்
பயன்படாத களர் நிலத்திற்கு ஒப்பாவர் கல்லாதவர்.
அதாவது
உயிரோடு இருக்கின்றனர் என்று சொல்லும் அளவே அல்லாமல் பயன்படாத களர் நிலத்திற்கு ஒப்பாவர் கல்லாதவர்.
கல்லாமை அதிகாரத்தின் ஆறாவது குறளின் பொருள் இது.
- ஏழாவது குறள்.
“நுண்மாண் நுழைபுலம் இல்லான் எழில்நலம்
மண்மாண் புனைபாவை யற்று.”
இதில்
‘நுண்மாண் நுழைபுலம் இல்லான் எழில்நலம்‘
இதன் பொருள்
நுண்ணிய சிறந்த பல நூல்களைக் கற்று ஆராயும் தன்மையுடைய கல்வி இல்லாதவனின் நலமும், அழகும்.
அடுத்து
‘மண்மாண் புனைபாவை யற்று‘
இதன் பொருள்
மண்ணால் செய்யப்பட்ட பாவையின அழகு போல் ஆகும்.
அதாவது
நுண்ணிய சிறந்த பல நூல்களைக் கற்று ஆராயும் தன்மையுடைய கல்வி இல்லாதவனின் நலமும், அழகும் மண்ணால் செய்யப்பட்ட பாவையின அழகு போல் ஆகும்.
கல்லாமை அதிகாரத்தின் ஏழாவது குறளின் பொருள் இது.
- எட்டாவது குறள்.
“நல்லார்கண் பட்ட வறுமையின் இன்னாதே
கல்லார்கண் பட்ட திரு.”
இதில்
‘நல்லார்கண் பட்ட வறுமையின் இன்னாதே‘
இதன் பொருள்
கற்றறிந்த நல்லவர்களின் வறுமையை விடக் கொடியது.
அடுத்து
‘கல்லார்கண் பட்ட திரு‘
கல்லாதவர்களிடம் உள்ள செல்வம்.
அதாவது
கல்லாதவர்களிடம் உள்ள செல்வம் கற்றறிந்த நல்லவர்களின் வறுமையை விடக் கொடியது.
கல்லாமை அதிகாரத்தின் எட்டாவது குறளின் பொருள் இது.
- ஒன்பதாவது குறள்.
“மேற்பிறந்தா ராயினும் கல்லாதார் கீழ்ப்பிறந்தும்
கற்றார் அனைத்திலர் பாடு.”
இதில்
‘மேற்பிறந்தா ராயினும் கல்லாதார்’
இதன் விளக்கம்
கல்லாதவர் உயர்ந்த குடியில் பிறந்திருந்தாலும்.
அடுத்து
‘கீழ்ப்பிறந்தும் கற்றார் அனைத்திலர் பாடு‘
இதன் பொருள்
தாழ்ந்த குடியில் பிறந்திருந்தும் கல்வி கற்றவரைப் போல பெருமை இல்லாதவரே ஆவர்.
அதாவது
கல்லாதவர் உயர்ந்த குடியில் பிறந்திருந்தாலும் தாழ்ந்த குடியில் பிறந்திருந்தும் கல்வி கற்றவரைப் போல பெருமை இல்லாதவரே ஆவர்.
கல்லாமை அதிகாரத்தின் ஒன்பதாவது குறளின் பொருள் இது.
- பத்தாவது குறள்.
“விலங்கொடு மக்கள் அனையர் இலங்குநூல்
கற்றாரோடு ஏனை யவர்.“
இதில்
‘விலங்கொடு மக்கள் அனையர்’
எப்படி மக்கள் விலங்குகளோடு ஒப்பிடும்போது வேறுபட்டவர்களோ.
அடுத்து
‘இலங்குநூல் கற்றாரோடு ஏனை யவர்‘
இதன் பொருள்
அதுபோலச் சிறந்த நூல்களைக் கற்றவரோடு கல்லாதவர் வேறுபட்டவர் ஆவார்.
அதாவது
எப்படி மக்கள் விலங்குகளோடு ஒப்பிடும்போது வேறுபட்டவர்களோ அதுபோலச் சிறந்த நூல்களைக் கற்றவரோடு கல்லாதவர் வேறுபட்டவர் ஆவார்.
கல்லாமை அதிகாரத்தின் பத்தாவது குறளின் பொருள் இது.
இந்தக் குறளோடு கல்லாமை அதிகாரம் முடிவடைந்து. அடுத்த பகுதியல் நாம் பார்க்கப்போகும் அதிகாரம் கேள்வி.
நன்றி! வணக்கம்!
